11:24 - 22.08.2023

---

22 avqust, Fineko/abc.az. “Meta” şirkətində həftədə üç günlük tələbin təkrar pozulması işçilərin iş yerlərini itirməsi ilə nəticələnə bilər.

ABC.AZ xəbər verir ki, bunu şirkətin İnsan Resurslarının rəhbəri Lori Goler bildirib.

O qeyd edib ki,iyun ayında “Meta” əksər işçilərin həftədə ən azı üç gün ofisdən işləməsini tələb edən planı açıqladı – bu plan sentyabrın 5-də qüvvəyə minəcək.

Texnologiya sənayesindəki bir çox böyük şirkət pandemiya zamanı uzaqdan işləməyi qəbul etdikdən sonra işçilərini ofislərinə qayıtmağa təşviq edir. 2020-ci ilin may ayında “Meta”nın “uzaqdan işdə miqyasda ən irəliyə meylli şirkət” olacağını söyləyən CEO Mark Zukerberqin bu vizyonu, “Meta”nın “məhsuldarlıq ili” adlandırdığı 2023-cü ildə əriyir.

Şirkət həmçinin son doqquz ayda 21 min işçini işdən çıxardığını açıqlayıb.