12:08 - 17.12.2021

---

17 dekabr, Fineko/abc.az. Mənzil İnşaatı Dövlət Agentliyinin növbəti layihəsi - Gəncə Yaşayış Kompleksində satışa çıxarılacaq güzəştli mənzillər nümayiş etdirilib.

Agentlikdən ABC.AZ-a daxil olan məlumata görə, mənzillər Gəncə şəhəri, Azərbaycan Bayrağı küçəsində inşa olunub.

Yaşayış kompleksi 12 ədəd doqquzmərtəbəli və 6 ədəd onikimərtəbəli olmaqla 18 yaşayış binasından ibarətdir. Kompleksdə ümumilikdə 986 mənzil var.

Yaşayış binaları ilə yanaşı Kompleksdə 125 yerlik uşaq bağçası, 1176 şagird yerlik orta təhsil məktəbi inşa edilib.

Müəllif: Elmir Murad