12:26 - 23.12.2020

---

23 dekabr, Fineko/abc.az. 2020-ci ildə bütün mövcud çətinliklərə baxmayaraq, Azərbaycanda makroiqtisadi sabitlik daha da gücləndirilib.

ABC.AZ-ın məlumatına görə, bunu iqtisadiyyat naziri Mikayıl Cabbarov büdcə müzakirələrindəki çıxışında bildirib.

Nazir qeyd edib ki, iqtisadiyyatın kiçilməsi müşahidə edilsə də, ölkə iqtisadiyyatı yüksək dayanıqlılıq nümayiş etdirib.

O bildirib ki, qeyri-neft sektorunda ÜDM-nin 2,9 faiz azalması gözlənilir: “Karantin dövründə mal və istehlak bazarında 7,6 faiz azalma olub. Yanvar -noyabr aylarında investisiyalar 4, 6 faiz olub. Neft və qaz sektorunda isə bu rəqəm 8,4 faiz artıb. İlin sonuna ÜDM-nin 4 faiz azalmasını proqnozlaşdırılır”.