10:35 - 1.10.2026

---

1 oktyabr, Fineko/abc.az. Oktyabrın 1-dən Rusiyada marketpleyslər, çatdırılma xidmətləri, xidmət aqreqatorları və taksi platformalarının fəaliyyətini tənzimləyən qanun qüvvəyə minib.

Sənəd rəqəmsal platformalar üçün vahid tələblər müəyyən edir, o cümlədən əməliyyatların təşkili, məhsulların yerləşdirilməsi və ödənişlərin həyata keçirilməsi ilə bağlı öhdəlikləri əhatə edir.

Qaydalar yalnız xüsusi reyestrə daxil edilən şirkətlərə şamil olunur: gündəlik auditoriyası 100 min istifadəçidən çox olan və əməliyyat həcmi yüksək olan platformalara (ən azı 10 min tərəfdaş və ya illik dövriyyə ₽50 mlrd-dən çox).

İlkin siyahıya Avito, Ozon, Wildberries və “Yandex” ekosistemi daxil olmaqla 12 xidmət daxildir.