14:39 - 15.08.2019

---

15 avqust, Fineko/abc.az. Təhsil Nazirliyindən verilən məlumata əsasən, şagird yerdəyişməsinin elektronlaşdırılması avqustun 15-də saat 15:00-dan etibarən start veriləcək.

Qeyd edilir ki, sistemdən istifadə üçün www.sy.edu.az portalına daxil olaraq qeydiyyatdan keçmək lazımdır.

Proses məktəb və valideyn arasında olan məsafənin azaldılması, valideynin təhsil müəssisəsi ilə təmasının daha şəffaf şəkildə təşkilinə yardım edəcək.

Bildirilir ki, şagird yerdəyişməsinin elektronlaşdırılması şagirdlər haqqında statistik hesabatların dəqiq və optimal göstəricilər əsasında formalaşdırılmasına nail olmaq məqsədi daşıyır.