14:46 - 30.10.2026

---

30 oktyabr, Fineko/abc.az. Shell 2026-cı ilin ilk doqquz ayında mayeləşdirilmiş təbii qaz (LNG) istehsalını 2025-ci ilin eyni dövrü ilə müqayisədə 12% artıraraq təxminən 23 milyon tona çatdırıb. Bu barədə şirkətin hesabatında bildirilir.

Birinci rübdə 7,86 milyon ton, ikinci rübdə 7,73 milyon ton, üçüncü rübdə isə 7,43 milyon ton LNG istehsal olunub.

Eyni zamanda, LNG satışları da artıb. Doqquz ay ərzində satış həcmi 6% artaraq 56,4 milyon ton təşkil edib. Rüblər üzrə göstəricilər belə bölünüb: birinci rübdə 19,16 milyon ton, ikinci rübdə 17,96 milyon ton, üçüncü rübdə isə 19,25 milyon ton.

Şirkət dördüncü rübdə LNG istehsalının 7,3–7,9 milyon ton arasında olacağını proqnozlaşdırır.