10:13 - 29.10.2026

---

29 oktyabr, Fineko/abc.az. Azərbaycan Respublikası Mərkəzi Bankının (AMB) İdarə Heyətinin qərarı ilə uçot dərəcəsi 6,5%, faiz dəhlizinin aşağı həddi 5%, yuxarı həddi isə 7,5% səviyyəsində sabit saxlanılıb.

AMB-nin bu qərarı ölkədə makroiqtisadi və maliyyə sabitliyinin qorunması, faktiki və proqnozlaşdırılan inflyasiya göstəricilərinin hədəf diapazonunda (4±2%) saxlanılması, eləcə də bank sektorunda mövcud olan struktural likvidlik mövqeyinin təhlilinə əsaslanır.

Tənzimləyici tərəfindən inflyasiya gözləntilərinin stabilləşdirilməsi və daxili valyuta bazarında təklifin tələbi üstələməsi pul-kredit siyasətinin cari parametrlərinin saxlanılmasını şərtləndirib.