09:42 - 29.10.2026

---

28 Oktyabr, Fineko/abcnews. Dünya Bankının oktyabr hesabatına əsasən, qlobal şokların güclənməsi və Yaxın Şərqdəki münaqişələr fonunda 2026-cı ildə əmtəə qiymətlərinin 23,1% artacağı gözlənilir.

Üç illik enişdən sonra enerji qiymətlərinin 32% artacağı, "Brent" markalı xam neftin bir barelinin orta qiymətinin isə 91 dollar təşkil edəcəyi gözlənilir. Eyni zamanda, qlobal neft tədarükünün son 40 ilin ən kəskin azalması ilə üzləşəcəyi proqnozlaşdırılır. Ərzaq qiymətlərinin 10,3%, metal qiymətlərinin isə 24,5% bahalaşacağı gözlənilir.

Dünya Bankının baş iqtisadçısının müavini Ayhan Köse vurğulayıb ki, bu şoklar qlobal inflyasiya və ərzaq təhlükəsizliyi üçün ciddi risklər yaradır.