16:27 - 15.09.2026

---

15 sentyabr, Fineko/abc.az. Xarici ticarətdəki böyük profisit Azərbaycanın daxili valyuta bazarına birbaşa təsir göstərib.

Cari əməliyyatlar hesabının profisiti ilk 6 ayda 2 dəfə artaraq 4,74 milyard dollara (ÜDM-in 12,4%-i) yüksəlib və xidmətlər ilə ilkin gəlirlər balansındakı kəsiri tam örtüb.

Bazarında dollar təklifinin tələbi kəskin üstələməsi fonunda Mərkəzi Bank təkcə avqust ayında bazardan 1,5 milyard dollar alıb.

Nəticədə AMB-nin valyuta ehtiyatları avqustda 11,1 faiz artaraq 15,3 milyard dollarla tarixi maksimuma çatıb. İlin əvvəlindən ehtiyatlardakı ümumi artım 3,83 milyard dollar (33,4%) təşkil edib.