15:51 - 10.09.2026

---

10 sentyabr, Fineko/abc.az. Azərbaycan Respublikası Dövlət Neft Fondu (ARDNF), Çin İnvestisiya Korporasiyası (CIC), Malayziya, İndoneziya və Taylandın suveren sərvət və pensiya fondları ilə birlikdə Çin-ASEAN Birgə İnvestisiya Şurasını (CAJIC) təsis edib.

Çinin Syamen şəhərində keçirilən 26-cı Beynəlxalq İnvestisiya və Ticarət Sərgisi (CIFIT) çərçivəsində elan edilən CAJIC institusional əlaqələrin gücləndirilməsi, bilik mübadiləsi və kapital əməkdaşlığı istiqamətlərini əhatə edəcək. Şura ARDNF-nin Çin və Cənub-Şərqi Asiya regionunda formalaşdırdığı strateji tərəfdaşlığın davamıdır.

Qeyd edək ki, bu təşəbbüs ARDNF, CIC və INA tərəfindən idarə olunan 1 milyard dollar hədəfli “Galaxy Orientis” (CAIP) özəl kapital platformasını tamamlayır. Bu cür iri institusional platformalarda iştirak ARDNF portfelinin uzunmüddətli şaxələndirilməsinə və Orta Dəhliz çərçivəsində Azərbaycanın Asiya ilə maliyyə-iqtisadi əlaqələrinin güclənməsinə xidmət edir.