10:39 - 8.09.2026

---

8 sentyabr, Fineko/abc.az. Yanvarın 1-dən etibarən binaların enerji effektivliyi üzrə pasportlaşdırılmasına start verilir. Bakı İqlim Fəaliyyəti Həftəsində müzakirə olunan yeni mexanizm tam elektronlaşdırılacaq.

Yeniliyin əsas məqamları:

Məcburi şamil olunanlar: Yeni tikilən, yenidən qurulan və əsaslı təmir olunan bütün yaşayış və qeyri-yaşayış binaları üçün pasportlaşdırma məcburi olacaq. Mövcud binalara isə bu tələb yalnız əsaslı təmir və ya yenidənqurma zamanı tətbiq ediləcək (digər hallarda könüllüdür).

Tikintiyə icazə şərti: Enerji pasportu tikintiyə icazə üçün tələb olunan sənədlər siyahısına salınır. Bununla enerji itkiləri tikintidən sonra deyil, layihələndirmə mərhələsində nəzərə alınacaq.

Sənədin tərkibi: Bu, adi texniki pasport deyil — sənəddə binanın karbon emissiyası, enerji sinfi, həmçinin isitmə, soyutma, havalandırma və işıqlandırma üzrə gözlənilən sərfi əks olunacaq.