14:26 - 28.07.2026

---

28 iyul, Fineko/abc.az. Rusiya energetika nəhəngi «Gazprom»un departament rəhbərinin müavini Kirill Polous İndoneziyada keçirilən «IndoPacific LNG Summit 2026» forumunda çıxışı zamanı bildirib ki, ABŞ-nin Avropa mayeləşdirilmiş təbii qaz (LNG) bazarındakı dominantlığı yanacağın qiymətlərinə mənfi təsir göstərib.

Onun sözlərinə görə, Avropada mövcud qaz qiymətləri Rusiya qazının böyük həcmdə nəql edildiyi dövrlə müqayisədə 3 dəfə yüksəkdir.

 Polous qeyd edib ki, hazırda Avropanın LNG idxalının 60%-i, Almaniyanın isə 90%-dən çoxu ABŞ-nin payına düşür. Bu göstəricilər boru kəməri qazının daha təhlükəsiz və ucuz olması reallığını dəyişmir.

Qeyd edək ki, Ukraynadakı müharibədən əvvəl Avropanın qaz tələbatının 40%-dək hissəsini ödəyən «Gazprom», sanksiyalar fonunda payını ABŞ, Qətər və Norveç kimi tədarükçülərə itirib.

Nəticədə, şirkətin Avropaya qaz ixracı 2021-ci ildəki 201,7 milyard kubmetrdən 2025-ci ildə 18 milyard kubmetrədək geriləyib.