05:00 - 27.07.2026

---

27 iyul, Fineko/abc.az. İraq öz hasilat sahələrini Aralıq dənizi vasitəsilə qlobal bazarlara bağlayacaq yeni neft kəmərlərinin tikintisi üçün Suriya ilə rəsmi anlaşma memorandumu imzalamağa hazırlaşır.

İraq Nazirlər Kabineti Bəsrə Neft Şirkətinin Baş direktoruna Suriya Neft Nazirliyi ilə müvafiq memorandumu imzalamaq səlahiyyəti verib.

Layihənin məqsədi İraq neftinin Avropa və Qərb pazarlarına çatdırılmasında nəqliyyat xərclərini azaltmaq və ixrac marşrutlarını şaxələndirməkdir. Bəndlərdən ibarət qərarlar çərçivəsində hökumət həmçinin Akkas qaz yatağının kəşfiyyatı üçün "ConocoPhillips", "TI Capital" və "Novaterra" konsorsiumu ilə danışıqlara başlanılmasına, "İnteqrasiya olunmuş Qayyara Layihəsi"nin tenderə çıxarılmasına və Qara Təpə sahəsində kəşfiyyat quyusunun qazılmasına icazə verib.

Əlavə olaraq, İraq ilə Türkiyə arasında su ehtiyatları üzrə çərçivə sazişinin aktivləşdirilməsi və maliyyələşmə mexanizminin 1 sentyabr tarixindən yürürlüyə girməsi təsdiqlənib.