16:03 - 22.07.2026

---

22 iyul, Fineko/abc.az. 2026-cı ilin ilk altı ayında Yaponiyanın ticarət balansı kəsiri 1,01 trilyon ien (6,2 milyard dollar) təşkil edib.

Bu barədə iyulun 22-də Yaponiyanın Kyodo News agentliyi hökumət məlumatlarına istinadən xəbər verib.

Maliyyə Nazirliyinin ilkin hesabatına görə, ilin ilk yarısında ixrac ötən ilin eyni dövrü ilə müqayisədə 13,7%, idxal isə 10,7% artıb.

Nazirliyin məlumatına əsasən, yalnız iyun ayında Yaponiyanın ticarət kəsiri 406,9 milyard ien olub.

Qeyd edək ki, ticarət balansı kəsiri idxalın ixracı üstələdiyi halda yaranır.