09:40 - 9.07.2026

---

9 iyul, Fineko/abc.az. Cümə axşamı keçirilən ticarət əməliyyatları zamanı etalon markaların qiymətləri artmaqda davam edir. Bakı vaxtı ilə saat 09:35-ə olan məlumata görə, "ICE Futures" birjasında "Brent" markalı neftin sentyabr fyuçersinin dəyəri 0,29 dollar (0,37%) artaraq bir barel üçün 78,31 dollar olub. İyulun 8-də keçirilən ticarətin yekunlarına əsasən, müqavilənin qiyməti 3,86 dollar (5,20%) bahalaşaraq bir barel üçün 78,02 dollar təşkil edib.

Nyu-York Əmtəə Birjasında (NYMEX) "WTI" markalı neftin avqust fyuçersi saat 09:35-ə qədər 0,22 dollar (0,30%) bahalaşaraq bir barel üçün 73,74 dollar səviyyəsində qərarlaşıb. Əvvəlki sessiyanın nəticələrinə görə, onun dəyəri 3,08 dollar (4,37%) artaraq bir barel üçün 73,52 dollar olub.

Dünya bazarında "Azeri Light" markalı Azərbaycan neftinin qiyməti isə 6,41 dollar (8,47%) artaraq bir barel üçün 82,07 dollara çatıb.