11:20 - 30.06.2026

---

30 iyun, Fineko/abc.az. ABŞ Prezidenti Donald Tramp yanacaqdoldurma məntəqələrini benzinin qiymətlərini təcili şəkildə aşağı salmağa çağırıb və neftin qiymətinin təxminən 68 dollar/barrel səviyyəsinə düşdüyünü bildirib.

ABC.AZ xəbər verir ki, o qeyd edib ki, şirkətlər xammalın ucuzlaşmasının təsirini istehlakçılara ötürməli, yüksək qiymətləri saxlamamalıdır və hərəkətsizlik halında mümkün nəticələr barədə xəbərdarlıq edib. Onun fikrincə, ədalətli qiymət səviyyəsi təxminən 2,50 dollar/galon olmalıdır.

Tramp həmçinin Kaliforniyada tətbiq olunan vergiləri tənqid edərək bildirib ki, onlar yanacağın qiymətini əhəmiyyətli dərəcədə artırır. Eyni zamanda o vurğulayıb ki, pərakəndə qiymətlər təkcə neftdən deyil, həm də vergilərdən, logistika xərclərindən, emal prosesindən və şirkətlərin siyasətindən asılıdır.