14:19 - 1.06.2026

---

1 iyun, Fineko/abc.az. Rusiya 2026-cı ilin ilk dörd ayında Azərbaycana araq ixracını 55% artıraraq 2,2 milyon dolları keçib.

ABC.AZ xəbər verir ki, bu barədə Federal “Aqroeksport” mərkəzi məlumat yayıb.

Məlumata görə, ekspertlərin qiymətləndirməsinə əsasən, 2026-cı ilin dörd ayında Rusiya Azərbaycana 900 tondan çox araq göndərib və bunun ümumi dəyəri 2,2 milyon dollardan artıq olub. Ötən ilin eyni dövrü ilə müqayisədə ixrac həcmi tonla 42%, dəyər ifadəsində isə 55% artıb.

Qeyd olunub ki, Azərbaycan Rusiya arağının ən iri idxalçıları sırasında ikinci yerdədir: birinci yerdə Qazaxıstan, üçüncü yerdə isə Gürcüstan qərarlaşıb.

Həmçinin bildirilib ki, bu göstərici son 10 il ərzində ilin ilk dörd ayı üzrə Azərbaycana araq ixracında qeydə alınan ən yüksək nəticədir.