09:37 - 20.05.2026

---

20 may, Fineko/abc.az. Çərşənbə günü keçirilən ticarət əməliyyatları zamanı etalon markaların qiymətləri enməkdə davam edir.

Bakı vaxtı ilə saat 09:20-yə olan məlumata görə, "ICE Futures Europe" birjasında "Brent" neftinin iyul fyuçersi 0,23 dollar (0,21%) ucuzlaşaraq bir barel üçün 110,75 dollar təşkil edib. Əvvəlki sessiyanın yekununda bu müqavilə 0,82 dollar (0,73%) itirərək 111,28 dollar səviyyəsində başa çatmışdı.

Nyu-York Əmtəə Birjasında (NYMEX) "WTI" neftinin iyul fyuçersi isə bu vaxta qədər 0,43 dollar (0,41%) azalaraq bir barel üçün 103,72 dollara düşüb. 19 may tarixinə olan ticarət nəticələrinə görə, iyul müqaviləsi 0,23 dollar (0,22%) ucuzlaşaraq 104,15 dollar olub. "WTI" markalı neftin iyun fyuçersi 0,89 dollar (0,82%) itirərək sessiyanı 107,77 dollar səviyyəsində tamamlayıb.