17:26 - 14.05.2026

---

14 may, Fineko/abc.az. Cisco rekord maliyyə nəticələrinə baxmayaraq əməkdaşlarının təxminən 5%-ni ixtisar edəcəyini açıqlayıb: gəlir 12% artaraq 15,8 milyard dollara, mənfəət isə 35% artaraq 3,4 milyard dollara çatıb.

ABC.AZ xəbər verir ki, şirkət bunu süni intellekt, təhlükəsizlik və yarımkeçiricilər kimi prioritet sahələrə fokuslanmaq zərurəti ilə izah edir.

İxtisar olunan əməkdaşlara yeni iş tapmaqda dəstək və Cisco U platformasında bir il müddətində pulsuz təlim imkanı təqdim olunacaq. Restrukturizasiya süni intellekt infrastrukturunun əsas inkişaf istiqamətinə çevrildiyi bir dövrdə həyata keçirilir.