12:17 - 10.09.2026

---

10 Sentyabr, Fineko/abc.az. İlon Maska məxsus tünelqazma və nəqliyyat infrastrukturu şirkəti "Boring Co." Birləşmiş Ərəb Əmirlikləri (BƏƏ) və ona bağlı investisiya fondlarının dəstəyi ilə 3 milyard dollarlıq yeni investisiya cəlb edib.

 Bu maliyyələşmə raundundan sonra şirkətin bazar dəyəri 23 milyard dollara yüksəlib.

Cəlb olunan "D Seriyası" investisiya turunda "Sequoia Capital", "A16Z", "Temasek", "Valor Equity Partners", "Vy Capital" və "Baron Capital" kimi aparıcı vençur fondları iştirak edib.

Şirkətin bəyanatına görə, yeni kapital BƏƏ ərazisində 150 kilometrdən çox yeraltı tünel şəbəkəsinin qurulmasına və daha əvvəl layihələndirilmiş "Dubai Loop" nəqliyyat sisteminin genişləndirilməsinə yönəldiləcək.