15:42 - 8.05.2026
8 may, Fineko/abc.az. Aprel ayında dünya ərzaq qiymətləri 2023-cü ilin fevralından bəri ən yüksək səviyyəyə yüksələrək ardıcıl üçüncü ay artım göstərib. Əsas amil geosiyasi gərginlik, enerji daşıyıcılarının bahalaşması və bioyanacağa artan tələbat fonunda bitki yağlarının kəskin bahalaşması olub ki, bu da kənd təsərrüfatı xammalını ərzaq bazarından yayındırır.
ABC.AZ xəbər verir ki, FAO-nun ərzaq qiymətləri indeksi ay ərzində 1,6% artıb. Bitki yağları təxminən 6% bahalaşıb, ət qiymətləri heyvan çatışmazlığı səbəbindən tarixi maksimuma çatıb, dənli bitkilər isə ehtiyatlar hesabına daha zəif artım göstərib.
FAO xəbərdarlıq edir ki, gübrələrin bahalaşması və iqtisadi təzyiqlər səbəbindən fermerlər buğda əkinlərini azalda və daha az xərc tələb edən bitkilərə keçə bilərlər.
