11:58 - 4.03.2026
4 mart, Fineko/abc.az. Dubay və regionun digər iri ticarət mərkəzlərində Gucci, Apple, H&M və Chalhoub Group-un mağazaları müvəqqəti bağlanıb və ya məhdud heyətlə fəaliyyət göstərir. Amazon Əbu-Dabidəki logistika mərkəzini dayandırıb, Reckitt kimi istehsalçılar isə əməkdaşlarını məsafədən iş rejiminə keçirib.
ABC.AZ xəbər verir ki, investorlar LVMH, Hermes və Richemont-un səhmlərinin 4–5,7% ucuzlaşmasına reaksiya veriblər. Ekspertlər qeyd edir ki, səyahət məhdudiyyətləri və infrastrukturun zədələnməsi, o cümlədən Dubaydakı Fairmont Palm oteli, lüks seqmentdə yüz milyonlarla dollar gəlir riskini artırır və Avropadakı satışlara təsir göstərə bilər.
