15:02 - 23.02.2026
23 fevral, Fineko/abc.az. Qazaxıstan “LUKOIL”ın birgə layihələrdəki payını almaqda üstün hüququ barədə OFAC-a bildiriş göndərib.
ABC.AZ xəbər verir ki, bu barədə Qazaxıstanın Energetika Nazirliyi bildirib.
Məlumata görə, OFAC-a göndərilən məktub bildiriş xarakteri daşıyıb. Nazirlik vurğulayıb ki, ölkə qanunvericiliyinə, o cümlədən “Yerin təki və ondan istifadə” məcəlləsinin 43-cü maddəsinə əsasən dövlət payı əldə etməkdə üstün hüquqa malikdir.
Cari ilin yanvarında Qazaxıstan Energetika Nazirliyinin rəhbəri Yerlan Akkenjenov bildirib ki, ölkə “LUKOIL” payının birgə layihədə alınması proseduru ilə bağlı OFAC-a sorğu göndərib. Nazir həmçinin qeyd edib ki, əməliyyatın mümkün variantları maliyyə vəsaitlərinin istifadəsini nəzərdə tutmaya bilər.
