09:22 - 21.01.2026

---

21 yanvar, Fineko/abc.az. Çərşənbə günü keçirilən hərraclarda etalon markalı neftin qiyməti ötəngünkü artımdan sonra aşağı düşür.

Saat 09:20-yə olan məlumata görə, ICE Futures birjasında Brent markalı neftin mart fyuçersinin qiyməti $0,77 (1,19%) azalaraq bir barel üçün $64,15 təşkil edib. 20 yanvar tarixində keçirilən hərracların yekununda Brent neftinin mart fyuçersi $0,98 (1,53%) bahalaşaraq bir barel üçün $64,92 olmuşdu.

NYMEX əmtəə birjasında WTI markalı neftin mart fyuçersinin qiyməti saat 09:20-ə olan məlumata əsasən $0,63 (1,04%) düşərək bir barel üçün $59,73 təşkil edib. 20 yanvar hərraclarının yekununda mart ayı üçün WTI fyuçersi $1,10 (1,86%) bahalaşaraq bir barel üçün $60,36 olub.