16:24 - 25.09.2026

---

25 sentyabr, Fineko/abc.az. Bakıda keçirilən II Azərbaycan Beynəlxalq İnvestisiya Forumunda çıxış edən Türkiyənin sənaye və texnologiya nazirinin müavini Məhəmməd Qasım Gönüllü iki ölkənin məlumat infrastrukturu, fiber-optik şəbəkələr və enerji imkanları sayəsində regional rəqəmsal mərkəzə çevrilə biləcəyini vurğulayıb.

O, "Bilişim Vadisi"nin Bakıdakı fəaliyyətinin əməkdaşlıq üçün praktiki bünövrə yaratdığını, milli böyük dil modeli "Bilge" vasitəsilə türk və Azərbaycan dilli süni intellekt texnologiyalarının inkişaf etdirilməsinin vacibliyini bildirib.

Nazir müavini həmçinin Türkiyənin "HIT-30" proqramı çərçivəsində yüksək texnologiyalara 30 milyard dollar dəstək ayırdığını və 2030-cu ilə qədər məlumat mərkəzlərinin gücünü 1 giqavata çatdırmağı hədəflədiklərini diqqətə çatdırıb.