14:14 - 30.12.2025

---

30 dekabr, Fineko/abc.az. ABŞ Kənd Təsərrüfatı Nazirliyinin proqnozuna görə, 2026-cı ildə Avropa İttifaqında ət istehsalı son 25 ilin minimumuna enərək 6,42 milyon ton təşkil edəcək.

ABC.AZ xəbər verir ki, proqnoza əsasən, Aİ 2026-cı ildə 405 min ton ət idxal etməyə məcbur olacaq ki, bu da 2025-ci illə müqayisədə bir qədər azdır.

2025-ci ildə Avropa İttifaqı ölkələri təxminən 425 min ton mal əti idxal edib ki, bu da 2024-cü illə müqayisədə 8,7% çoxdur. İdxal həcmi 2019-cu ilin pik səviyyəsinə xeyli yaxınlaşıb.

Aİ-də kökəldilmiş iri buynuzlu mal-qaranın qiyməti noyabrın sonuna doğru ötən ilin eyni dövrü ilə müqayisədə 30% artaraq diri çəkidə kiloqramı 8,30 ABŞ dollarına çatıb. Canlı buzovların qiyməti isə son 12 ay ərzində 50% bahalaşaraq kiloqramı 5,10 ABŞ dolları olub.

“Avrostat”ın məlumatına görə, ilin ilk 9 ayında iri buynuzlu mal-qaranın kəsimi 3,6% azalıb. Avqustun əvvəlindən indiyədək Aİ-dən kənara ixrac fiziki ifadədə 16% azalıb, idxal isə 13,5% artıb. Argentina və Braziliyadan mal əti idxalının artımı ikirəqəmli göstəricilərlə ölçülür.