14:40 - 2.12.2025
2 dekabr, Fineko/abc.az. Pavel Durov TON blokçeynində Cocoon (Confidential Compute Open Network) şəbəkəsini işə salıb.
ABC.AZ xəbər verir ki, o, bunu öz Telegram-kanalında bildirib.
Durovun sözlərinə görə, qrafik prosessor sahibləri artıq TON-da gəlir əldə etməyə başlayıblar. İlk istifadəçi sorğuları tam məxfilik şəraitində emal olunur. Şəbəkə tam hazırdır. Sayt sənədlər və açıq kodlarla fəaliyyət göstərir.
Durov vurğulayıb ki, Amazon və Microsoft kimi mərkəzləşdirilmiş hesablama təminatçıları qiymətləri artırır və məxfilik səviyyəsini aşağı salırlar. Cocoon bu problemləri həll etməyi hədəfləyir.
Layihə Durov tərəfindən oktyabrda Dubaydakı Blockchain Life 2025 forumunda təqdim olunmuşdur. Layihə, GPU sahiblərinə TON üçün hesablama gücünü təqdim etməyə, tərtibatçılara tətbiqləri İT-hesablama ilə əlaqələndirməyə və istifadəçilərə İT-proqramlarla işləyərkən məxfiliyi qorumağa imkan verəcək.
