09:38 - 21.11.2025

---

21 noyabr, Fineko/abc.az. Etalon markaların qiymətləri Cümə günü hərracda azalır və bu həftəni mənfi qiymətdə tamamlayır.

Brent markalı neftin yanvar fyuçersləri ICE Futures birjasında saat 09:33-ə olan məlumata görə $0,65 (1,03%), bir barel üçün $62,73-a düşüb. Noyabrın 20-də keçirilən hərracların nəticələrinə görə, Brent neftinin yanvar fyuçersləri $0,13 (0,20%) azalaraq bir barel üçün $63,38-a enib.

Saat 09:33-ə olan məlumata görə NYMEX əmtəə birjasının ticarətində WTI neftinin yanvar fyuçersləri $0,68 (1,15%) azalaraq bir barel üçün $58,32-a düşüb. 20 noyabr ticarətinin nəticələrinə görə, WTI neftinin yanvar fyuçersləri $0,25 (0,42%) ucuzlaşaraq bir barel üçün $59,00-a düşüb.

Bu həftə Brent nefti 2,58%, WTI isə 2,95% ucuzlaşıb.