14:46 - 22.09.2025

---

22 sentyabr, Fineko/abc.az. Ukrayna son üç il yarım ərzində 145 milyard dollardan çox beynəlxalq maliyyə yardımı alıb, 2025-ci ildə isə daha 8,7 milyard dollar çatışmır.

ABC.AZ xəbər verir ki, bu barədə Ukraynanın maliyyə naziri Sergey Marçenko bildirib.

"Münaqişənin davam etdiyini, maliyyə sistemi üçün çağırışların davam etdiyini nəzərə alsaq, xarici dəstəyin davam etdirilməsi çox vacibdir. Təkcə 2025-ci ildə artıq 30,6 milyard dollardan çox xarici maliyyələşdirmə cəlb edilib, cari il üçün tələb 39,3 milyard dollardır", — deyə Ukrayna Maliyyə Nazirliyinin mətbuat xidməti bildirib.

Növbəti büdcə ilinə gəlincə, Marçenko hökumətin bütün daxili maliyyə mənbələrini müdafiə xərclərinin təmin edilməsinə yönəltməkdə davam etdiyini və sosial xərcləri ödəmək üçün dövlətin beynəlxalq tərəfdaşların köməyinə ümid etdiyini vurğulayıb.