15:39 - 10.09.2025

---

10 sentyabr, Fineko/abc.az. Azərbaycan Türkiyə ilə müqayisədə malların yükləmə keyfiyyəti, rəsmiləşdirmə baxımından, daha sadə, keyfiyyətli və sürətlidir.

ABC.AZ xəbər verir ki, bunu Almaniyanın "CS Conti - Service Internationale Spedition GmbH" şirkətinin baş icraçı direktoru Aleksandr Şmidt bildirib.

Onun sözlərinə görə, son üç ildə Orta Dəhlizin fəaliyyəti istiqamətində çox böyük sıçrayışa nail olunub: "Orta Dəhliz Azərbaycan, Qazaxıstan və Gürcüstanın sayəsində işlək dəhlizə çevrilib. Biz əsasən dəmir yolundan istifadə edirik. Belə ki, hazırda yüklərin 80 %-nin daşınması zamanı dəmir yolu şəbəkəsindən istifadə edirik".

A. Şmidt qeyd edib ki, Almaniya şirkətinin istifadə etdiyi marşrutlardan biri Orta Dəhlizdir: "Bu istiqamətdə yüklərimiz Türkiyə, Gürcüstan, Azərbaycan və Qazaxıstan vasitəsilə danışır. Bu məqamda qeyd etmək istərdim ki, hazırda Azərbaycan Türkiyə ilə müqayisədə malların yükləmə keyfiyyəti, rəsmiləşdirmə baxımından, daha sadə,  keyfiyyətli və sürətlidir".