13:58 - 25.07.2026

---

25 iyul, Fineko/abc.az. "Financial Times" qəzetinin verdiyi məlumata görə, "Alphabet"in törəmə şirkəti olan "Waymo" "Uber" ilə birgə yürütdüyü robotaksi tərəfdaşlığından ayrılmaq variantlarını nəzərdən keçirir.

Şirkət "Uber"ə 2028-ci ilin yanvar ayından etibarən Ostin və Atlanta şəhərlərində müqavilənin verdiyi hüquqlar çərçivəsində müstəqil fəaliyyət göstərməyi planlaşdırdığını bildirib.

Hazırda "Uber" öz tətbiqi vasitəsilə ABŞ-ın bu iki şəhərində "Waymo"nun sürücüsüz avtomobilləri ilə sərnişindaşıma xidməti təklif edir. Bu xəbərin fonunda "Uber"in Nyu-York birjasındakı səhmləri 4,8% geriləyərək 65,61 dollara düşüb.