12:05 - 18.08.2025

---

18 avqust, Fineko/abc.az. Cari ilin yeddi ayında Azərbaycanda magistral qaz kəmərləri ilə 23 423,8 mln. kubmetr qaz nəql edilib və əvvəlki ilin müvafiq göstəricisinə nisbətən 1,9% azalma müşahidə olunub.

Dövlət Statistika Komitəsindən ABC.AZ verilən məlumata görə, qaz nəqlinin 56,4%-i Bakı-Tbilisi-Ərzurum Cənubi Qafqaz boru kəməri ilə həyata keçirilib.

Bu boru kəməri vasitəsilə “Şahdəniz” qaz-kondensat yatağında hasil edilən qaz ixrac edilir.

Belə ki, hesabat dövründə bu kəmərlə 13 217,2 mln. kubmetr qaz ötürülüb (1,54%-lik azalma olub).