11:22 - 1.08.2025

---

1 avqust, Fineko/abc.az. Pakistan tarixdə ilk dəfə olaraq ABŞ-dan neft partiyasını alıb. “Cnergyico” şirkəti oktyabr ayında West Texas Intermediate (WTI) markalı 1 milyon barel Amerika nefti idxal edəcək.

“Cnergyico”nun vitse-prezidenti Usama Qureşi, alışın beynəlxalq əmtəə satıcısı Vitol-dan edildiyini deyib.

“Bu, bizim uzunmüddətli saziş çərçivəsində test partiyasıdır. Ticari cəhətdən sərfəli və əlverişli olduğu halda, ayda ən azı bir partiyanı idxal edə bilərik”, — deyə o bildirib.

ABŞ prezidenti Donald Trampın Pakistan ixracına böyük rüsumlar tətbiq edilməsi barədə xəbərdarlıq etməsindən bir neçə ay sonra neft alqı-satqısı ilə bağlı razılaşma baş tutub.

Reuters yazır ki, bu, İslamabadı Vaşinqtondan başqa digər ölkələrlə enerji və ticarət əlaqələrini şaxələndirməyə sövq edib.