16:03 - 24.07.2025

---

24 iyul, Fineko/abc.az.Bu ilin iyun ayında Azərbaycana ölkələrindən 237 509 turist ziyarət edib ki, bu da ötən ilin eyni ayı ilə müqayisədə 11 % azdır.

ABC.AZ Dövlət Turizm Agentliyinin hesabatına istinadən xəbər verir ki, sənədə əsasən, ötən ay Azərbaycana ən çox turist 73 415 ( - 11 %) nəfər olmaqla Rusiyadan gəlib. 2-ci yerdə Türkiyə (40 326, + 5 %) nəfər), 3-cü yerdə isə İran (15 297 nəfər, – 11 %) qərarlaşıb.

Bundan başqa, ay ərzində Səudiyyə Ərəbistandan 10,3 min (- 29 %), Qazaxıstandan 9,9 min (+ 11 %), Hindistandan 9,9 min (- 65 %), Gürcüstandan 8 min (- 10 %), Pakistandan 7,9 min (+ 4 %), Çindən 7,2 min (+ 76 %), Özbəksitandan 5 min (+ 17 %), İsraildən 3,4 min (- 18 %) ,Ukraynadan 3,3 min (- 1 %), Cənubi Koreyadan 3 min ( + 4 %), ABŞ-dən 2,9 min (+ 22 %), Türkmənistandan 2,7 min (+ 12 % ) turist gəlib.