17:17 - 14.09.2026

---

14 Sentyabr, Fineko/abc.az. Çinin "Huawei" və "Xiaomi" şirkətləri yeni flaqman qatlanan smartfonlarını nümayiş etdiriblər.

"Huawei" şirkəti açıldıqda tam planşetə çevrilən, sudan müdafiəli və əvvəlki nəsildən 42% daha güclü "Mate XT2" modelini 19 999 yuandan (təxminən 4 760 AZN / 2 800 dollar) satışa çıxarıb.

"Xiaomi" isə açıldıqda qalınlığı cəmi 5,02 mm olan ən bahalı modeli "Xiaomi 18 Fold"u təqdim edib. Qeyd edək ki, "Mate XT" seriyasının Azərbaycanın daxili pərakəndə bazarındakı təxmini qiyməti yaddaş həcmindən asılı olaraq 5 999 – 6 990 AZN arasında dəyişir.