10:29 - 19.06.2025

---

19 iyun, Fineko/abc.az. Qazaxıstan neft-qaz kimya sənayesində altı layihəyə 15 milyard dollar sərmayə yatırır.

ABC.AZ xəbər verir ki, bu barədə Energetika Nazirliyinin neft qaz-kimya departamentinin direktoru Temirlan Urkumbayev Power Central Asia + China forumunda bildirib.

Strategiya çərçivəsində respublika xam neft ixracından neft-qaz kimya sektorunun inkişafına keçməyi planlaşdırır.

Layihələr arasında istismara verilmiş və hər il 500 min ton məhsul istehsal edən polipropilen zavodu da var. Bundan əlavə, polietilen zavodunun 2029-cu ildə istifadəyə verilməsi planlaşdırılır. Bu zavodun layihə gücü ildə 1,25 milyon ton təşkil edəcək.