12:13 - 3.04.2025
3 aprel, Fineko/abc.az. Rusiya Federasiyasının Federal Məhkəmə xidməti, dövlət gəlirinə ötürülməsi üçün bitkoinlərin müsadirə edilməsi mexanizmini hazırlayır.
ABC.AZ xəbər verir ki, bu barədə qurumun rəhbəri Dmitri Aristov məlumat verib.
O vurğulayıb ki, kriptovalyutaların ələ keçirilməsi metodologiyası real cinayət işi əsasında formalaşır, rəqəmsal qızıl isə "problemli aktiv"dir.
2023-cü ilin iyul ayında Moskvanın Nikulin rayon Məhkəməsi keçmiş müstəntiq Marat Tambievdən 1032,1 BTC-ni dövlət gəlirinə müsadirə etmişdi. 2024-cü ilin oktyabr ayında o, 2718 BTC-dən çox rüşvət və 1,5 milyon dollar rüşvət almaq iddiasında 16 il koloniyaya məhkum edildi.
Aristov, kriptovalyutanın necə müsadirə ediləcəyi məsələsinin hələ həll olunmadığını deyib. Onun sözlərinə görə, əsas vəzifə Rusiyada "müvafiq" bitkoinlərin dövriyyəsini tənzimləyən qanunvericilik bazasının yaradılmasıdır.
