12:28 - 15.11.2024

---

15 noyabr, Fineko/abc.az. Cari ilin ilk 9 ayı üzrə Azərbaycanda işə götürənin məsuliyyətinin könüllü sığortası üzrə yığımların həcmi azalıb. 

ABC.AZ xəbər verir ki, azalma Mərkəzi Bankın hesabatından da aydın görünür. Belə ki, bu ilin yanvar-sentyabr aylarında sözügedən sığorta üzrə yığımlar 719 min manat təşkil edib. Bu rəqəm, 2023-cü ilin müvafiq dövrü ilə müqayisədə 38 min manat və ya 5% azalma deməkdir. Qeyd edək ki, ötən ilin yanvar-sentyabr aylarında yığımlar 757 min manat idi.

Hesabat dövründə bu sığorta növü üzrə heç bir ödəniş həyata keçirilməyib.

Müəllif: Elmir Murad