14:39 - 18.09.2024

---

18 sentyabr, Fineko/abc.az. Qarşıdakı 3 ildə Azərbaycanın neft-qaz gəlirləri azalacaq, qeyri/neft-qaz gəlirləri artacaq.

ABC.AZ xəbər verir ki, bu, 2025-ci il və növbəti üç il üzrə icmal və dövlət büdcəsi barədə proqnoz hesabatda əksini tapıb.

Hesabatdakı rəqəmlərdən belə aydın olur ki, əgər 2024-cü ildə Azərbaycanın neft-qaz gəlirləri 17 milyard 769 milyon manat proqnozlaşdırılırsa, 2025-ci ildə 17 milyard 73 milyon, 2026-cı ildə 16 milyard 767 milyon, 2027-ci ildə 16 milyard 555,4 milyon, 2028-ci ildə 15 milyard 761,2 milyon manat proqnozlaşdırılır. Başqa sözlə, 2024 və 2028-ci illər müqayisə edilərsə, neft-qaz gəlirlərində 2 milyard 7,8 milyon manat, yəni 11,3 faiz azalma gözlənilir.

Qeyri/neft-qaz gəlirləri isə 2024-cü ildə 18 milyard 619 milyon manat proqnozlaşdırılırsa, 2025-ci ildə 19 milyard 543 milyon, 2026-cı ildə 21 milyard 356,3 milyon, 2027-ci ildə 22 milyard 596,5 milyon, 2028-ci ildə 23 milyard 992,4 milyon manat proqnozlaşdırılır. Başqa sözlə, 2024 və 2028-ci illər müqayisə edilərsə, qeyri/neft-qaz gəlirləri gəlirlərində 5 milyard 373,4 milyon manat, yəni 28,8 faizdən çox artım gözlənilir.