17:09 - 12.10.2023

---

12 oktyabr, Fineko/abc.az. Cari ilin 9 ayı ərzində fəaliyyəti aktivləşdirilmiş (bərpa edilmiş) hüquqi şəxslərin sayı 2022-ci ilin müvafiq dövrü ilə müqayisədə 24,9 faiz, fəaliyyəti aktivləşdirilmiş ƏDV ödəyicilərinin sayı isə 22,5 faiz artıb.

Dövlət Vergi Xidmətindən ABC.AZ-a verilən məlumata əsasən, 2023-cü ilin oktyabr ayının 1-nə 22.004 xarici investisiyalı kommersiya qurumu dövlət qeydiyyatından keçib.

Aktiv xarici investisiyalı kommersiya qurumlarının sayı 2022-ci ilin müvafiq dövrü ilə müqayisədə 13,3 faiz artıb.