15:24 - 23.08.2023

---

23 avqust, Fineko/abc.az. Baş ofisi İstanbulda yerləşən Getir şirkəti 2500 nəfəri işdən çıxaracağını açıqlayıb.

ABC.AZ xarici mətbuata istinadən xəbər verir ki, ciddi ixtisarlara gedən şirkət buna baxmayaraq, Türkiyə, İngiltərə, Almaniya, Hollandiya və ABŞ-da fəaliyyətini davam etdirəcək.

Xərclərini azaltmaq yolunu seçən şirkət buna səbəb kimi, Covid-19 pandemiyası zamanı sektora sərmayə yatıran investorların gəlirlilik üçün aydın bir yol tələb etmələridir.

2022-ci ilin mart ayında 11,8 milyard dollar dəyərində olan Getir-in geri çəkilmə qərarı şirkətin Fransa, İtaliya, Portuqaliya və İspaniya bölmələrini bu ilin əvvəlində bağladıqdan sonra verilib.

İxtisar ilə bağlı bəzi təfərrüatlar bazar ertəsi Insider tərəfindən yayımlanıb.