11:44 - 2.09.2026

---

2 sentyabr, Fineko/abc.az. Azərbaycanda uzunmüddətli işsizlik qeydiyyatda olan işsizlərin böyük hissəsini əhatə edir.

Məlumata əsasən, 2025-ci ilin sonunda qeydiyyatda olan 239 min 800 işsizdən 103 min 720 nəfərin işsizlik müddəti bir ildən çox olub.

Bu, bütün qeydiyyatda olan işsizlərin 43,3%-nə bərabərdir.

Daha 51 min 351 nəfər 6 aydan 12 ayadək, 36 min 823 nəfər isə 3-6 ay müddətində işsiz olub.

Qeydiyyatda olan şəxslərin orta işsizlik müddəti 9,4 ay təşkil edib. Qadınlarda bu göstərici 9,5 ay, kişilərdə 9,3 ay olub.