10:42 - 14.07.2023

---

14 iyul, Fineko/abc.az. Bu ilin iyul ayının 1-ə olan məlumata görə Azərbaycanda Dövlət Məşğulluq Agentliyinin yerli qurumlarında qeydiyyata alınan işsiz şəxslərin sayı 247 min 430 nəfər olub.

ABC.AZ-ın məlumatına görə, onların 33,3 faizini qadınlar təşkil edib. 

Sözügedən dövrdə işsiz statusu verilən şəxslərin sayı son 1 ay ərzində 2 min 708 nəfər azalıb.

İşsizliyə görə müavinətin orta məbləği isə 4 manat 90 qəpik artaraq 407,5 manat olub. Müavinat alanların sayı 109 nəfər artaraq 2 min 568 olub.

Açıqlanan məlumatlardan belə görünür ki, Azərbaycanda işsiz kimi qeydiyyata alınan şəxslərin yalnız 1%-nə müavinət verilir.

Qeyd edək ki, işsiz kimi qeydə alınan şəxslərin 1/5-i  - 49 min 800 nəfəri Bakı şəhərinin payına düşüb.

Bakı şəhərindən sonra ən çox işsiz Ağdam rayonunda qeydə alınıb – 10 min 749 nəfər.

Müəllif: Elmir Murad