14:57 - 28.12.2021

---

28 dekabr, Fineko/abc.az. “Azərbaycan Sənaye Korporasiyası” ASC-də daha bir təyinat gerçəkləşib.

ABC.AZ-ın məlumatına görə, qurumun strateji inkişaf və kommersiya departamentinin direktor müavini təyin edilib.

İlqar Vahabov 22 dekabr 2021-ci il tarixində qeyd edilən departamentin direktorunun müavini təyin edilib.

O, 1993-1997-ci illərdə Bakı Avrasiya Universitetinin ali təhsilin bakalavr pilləsi üzrə “Beynəlxalq münasibətlər” fakültəsini, 2004-2007-ci illərdə ali magistr təhsili üzrə Prezident yanında Dövlət İdarəçilik Akademiyasının “Beynəlxalq Münasibətlər” fakultəsini fərqlənmə diplomu ilə bitirib.

2006-2014-cü illərdə “Bakpet” MMC-nin direktor müavini, 2014-2019-cu illərdə Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində “İnnovasiyalar Mərkəzi” MMC-də müxtəlif vəzifələrdə, “Funksional yardımçı xidmətlərlə iş” şöbəsinin müdiri vəzifəsində çalışıb.

16 sentyabr 2020-ci ildə “Azərbaycan Sənaye Korporasiyası” ASC-nin “Strateji inkişaf və komersiya” departamentində Marketinq və satış şöbəsinin müdiri vəzifəsinə təyin olunub.