15:28 - 8.12.2020

---

8 dekabr, Fineko/abc.az. Xəbər verdiyimiz kimi 14 dekabr saat 00:00-dan 2021-ci il 18 yanvar saat 00:00-dək ölkədə sms icazə sisteminin də tətbiqinə başlanılır.

Operativ Qərərgahdan ABC.AZ-a daxil olan məlumata görə, SMS-icazə sistemi təxirəsalınmaz tibbi zərurətlə və ya qrafik üzrə müalicə almaqla əlaqədar yaşayış yerini və olduğu yeri tərk etmək üçün, ərzaq və digər gündəlik tələbat mallarının və dərman vasitələrinin alınması, dövlət xidmətlərinin, bank, poçt və fəaliyyətinin davam etdirilməsinə icazə verilən iş və xidmət sahələrində göstərilən digər xidmətlərdən istifadə edilməsi zərurəti, həmçinin açıq havada vaxtın keçirilməsi ilə əlaqədar yaşayış yerini və olduğu yeri tərk etmək üçün istifadə olunacaq.

Yaxın qohumunun dəfnində iştirakla əlaqədar yaşayış yerini və olduğu yeri tərk etmək üçün isə hər bir şəxs Daxili İşlər Nazirliyinin Növbətçi Hissələri İdarəetmə Xidmətinin 102 Xidməti – Zəng Mərkəzi vasitəsilə icazə almalıdır.

Müəllif: Elmir Murad