15:19 - 19.10.2026

---

19 oktyabr, Fineko/abc.az. Beynəlxalq reytinq agentliyi “Fitch Ratings” İpoteka və Kredit Zəmanət Fondunun uzunmüddətli emitent reytinqini Azərbaycanın suveren reytinqinə bərabər olan “BBB−” (stabil) səviyyəsində saxlayıb.

Agentlik bu qərarını Fondun dövlət tərəfindən güclü dəstəyi və əlçatan mənzil siyasətindəki strateji roluna əsaslandıraraq, ipoteka və kirayə portfelindəki problemli borcların payının 0,1%-dən aşağı olduğunu vurğulayıb.

Eyni zamanda, sentyabr ayında Osman Xaliyevin İdarə Heyətinin sədri təyin edildiyi Fond məhdud mənzil fondu və sistem təkmilləşdirmələri səbəbindən satmaq öhdəliyi ilə kirayə mənzillərə yeni müraciətlərin qəbulunu müvəqqəti dayandırıb.