16:18 - 14.10.2026

---

14 Oktyabr, Fineko/abc.az. Qlobal investisiya şirkəti "Seraphim Space" tərəfindən yayımlanan hesabata əsasən, 2026-cı ilin üçüncü rübündə dünyada kosmik texnologiyalar üzrə startaplar 20,8 milyard dollar rekord həcmdə investisiya cəlb edib.

Bu göstərici əvvəlki rübün nəticəsini (7,4 milyard dollar) üç dəfəyə yaxın üstələyib.

İnvestorların əsas diqqəti kosmik daşıyıcı raketlər, peyk istehsalı və digər infrastruktur layihələrinə yönəlib. Rüblük müqavilə sayı da rekord həddə — 216 sazişə çatıb (II rübdə 140 olub). "Seraphim Space" nümayəndələrinin bildirdiyinə görə, kapitallaşmanın kəskin artması təkcə birjaların gözləntilərindən deyil, həm də kommersiya və dövlət qurumları tərəfindən kosmik xidmətlərə olan real tələbatın artmasından qaynaqlanır.