10:02 - 13.10.2026

---

13 oktyabr, Fineko/abc.az. Beynəlxalq Valyuta Fondu (BVF) oktyabr ayı üzrə “Dünya iqtisadiyyatının inkişaf perspektivləri” hesabatında Azərbaycan üzrə orta illik inflyasiya proqnozlarını yeniləyib.

Fondun qiymətləndirməsinə əsasən, ölkədə orta illik inflyasiya 2026-cı ildə 5,8%, 2027-ci ildə isə 5,6% təşkil edəcək.

Aprel hesabatı ilə müqayisədə BVF cari il üçün inflyasiya gözləntisini 0,2 faiz bəndi azaldıb, gələn il üzrə proqnozunu isə 0,5 faiz bəndi artırıb.

Dövlət Statistika Komitəsinin məlumatına görə, sentyabrda illik inflyasiya 5,5%-ə düşsə də, yanvar–sentyabr aylarında orta qiymət artımı 5,7% olub.

Ən böyük bahalaşma ərzaq məhsullarında (6,9%) qeydə alınıb, aylıq müqayisədə differsial xidmətlər və bəzi təxirəsalınmaz malların qiymətləri qalxıb.

BVF region ölkələri üzrə 2026 və 2027-ci illər üçün müvafiq olaraq Gürcüstanda 5,4% və 3,6%, Ermənistanda 4,6% və 3,6%, Qazaxıstanda 10,3% və 8,2%, Özbəkistanda 6,9% və 5,7%, Qırğızıstanda 12,7% və 14,3%, Tacikistanda 4,1% və 4,8%, Türkmənistanda isə 5,6% və 4,3% inflyasiya gözləyir.