12:08 - 9.10.2026

---

9 Oktyabr, Fineko/abc.az.  ChatGPT-nin yaradıcısı "OpenAI" korporativ sektorun kəskin böyüməsi hesabına ilin sonunadək illik gəlirini (ARR) 70 milyard dollara çatdırmağı və ya bu göstəricini keçməyi planlaşdırır.

 Sentyabrın sonunda şirkətin illik gəlir tempi artıq 50 milyard dollar səviyyəsində qiymətləndirilirdi. Şirkət hazırda BƏƏ-nin "MGX" fondu daxil olmaqla investorlarla 1,4 trilyon dollar dəyərləndirmə üzrə 30 milyard dollardan çox yeni investisiya cəlb etmək üçün danışıqlar aparır.

Rəqib "Anthropic" şirkətinin illik gəlirinin 65 milyard dollara çatması və bu ilin noyabrında İPO-ya çıxacağı gözlənilsə də, "OpenAI" süni intellekt təhlükəsizliyinə diqqət ayıraraq birjaya çıxış planlarını ən azı gələn ilə qədər təxirə salıb.