12:25 - 25.09.2026

---

25 Sentyabr, Fineko/abc.az. Azərbaycan  Mərkəzi Bankı bank sektorunun 2026-cı ilin yanvar-avqust ayları üzrə maliyyə göstəricilərini açıqlayıb.

 Mərkəzi Banka istinadən xəbər verilir ki, cari ilin 8 ayında banklar 949,7 milyon manat xalis mənfəət, 1 milyard 487,7 milyon manat məbləğində isə əməliyyat mənfəəti əldə ediblər.

Açıqlanan göstəricilərə görə, hesabat dövründə banklar tərəfindən ümumilikdə 245,8 milyon manat məbləğində mənfəət vergisi ödənilib. Eyni zamanda, hüquqi şəxslərin tələbli depozitləri 18 milyard 337 milyon manat olmaqla, hüquqi şəxslərin cəmi depozit portfelinin 76,5%-ini təşkil edib.